اسم موضوعي اكلة اليوم ؟؟ اتفضلي

[أحلام123]

بسم الله الرحمن الرحيم

شوفوا بقي لو الموضوع عجبكوا يرجي من ادارة المنتدي التثبيت علشان لازم نتفاعل معة كل يوم

اسفة علي الاطاله

شوفوا كلنا كل يوم نفكر هنعمل اية غدا اليوم وساعات نتعب من التفكير لدرجة اني انا ساعات مش بوصل لاجابة ساعتها الجا للهمبرجر والمكرونة ولكن اليوم التالي نفس المعاناه

ايه رأيكم كل اخت تدخل تقول لنا اكلة عملتها او هتعملها واحنا كل وحدة منا تختار اللي تنسبها واللي ما سوتها من فترة حتي لو اكلات خفيفة او معروفة المهم وصفة نسند عليها وقت الحاجة عرفتوا قصدي من الموضوع ماشي نبدأ اتقفنا نجرب ،،،

بسم الله

اكلتي اليوم

دجاج مشوي بالكيس الحراري ومكرونة

طريقة المكرونة معروفة
طريقة الدجاج
نغسله جيدا ويصفي ويتبل بالبصل المبشور وفصين توم مبشور ايضا و2 فلفل اخضر حار مقطع صغير والتوابل ملح + فلفل اسود +هيل مطحون + بهارات ونتبل الدجاج من الداخل والخارج بالخلطة جيدا ونضعهم بالكيس الحراري ونقفلة جيدا مع قص حرف الكيس بالمقص لاخراج الهواء ويوضع الكيس بالدجاج في صنية بالفرن
وبالهنا والشفا

الاكلة سهلة والكل اكيد بيعرفها لكن اسمها وصفة ليوم غداء
سلام ،،،،،،،،،،،،

[أحلام123]

شكـــــــــــــــــــــــــــــــــــــــــراً

كل دي وصفات

[بنت مصر@]

انا عملت النهاردة سبانج بالحمص

وشوربة لسان عصفور

وأرز بالشعرية



أكيد أنتى عارفــة كل الطرق

[أحلام123]

جميل يا بنت مصر وتسلم ايديكي والف هنا وشفا

انا اليوم عملت

بسلة

شوربة لسان عصفور

وارز لكن مش بشعرية

عملتة اخدت نص الارز وحمرتة وبعديدين غسلت النصف التاني وضفتة علية ومقدار الماي والملح

اكيد عرفتوة

[أماني75]

مشكورة احلام 123 طبعا الاكلة جميلة وانا شخصيا بلجأ إليها بوقت الازمات لانها سريعة ومش بتأخد وقت وبعمل بردوا السمك واللحمة بنفس الطريقة بس انا بزيد علي طريقتك اني بضع مع البصل والبهارات والثوم في الخلاط نصف ليمونة كبيرة بالقشر بتطلع روعة لان الليمون بيعطي طعم حامض شوية وكمان بضع في الكيس بطاطس وشرائح جزر تحت الدجاج وتسلم ايدك حاجة سريعة تناسب بالذات العاملات اللي ذي مشكورة كتير ونريد المزيد من الوصفات

[أماني75]

لو سمحتي يا بنت مصر تكتبي طريقة السبانخ بالحمص لاني معرفهش ياريت تديني الطريقة وتكوني مشكورة جدا جدا

[كليوباترة]

يا حبيبتى يا أحلام
كل موضوعاتك راقية
ومفيدة

أنــا النهاردة عازماكى على ملوخية خضراء (( فلاحى ))
وفراخ مشوية فى الفرن
ومحشي كرنب

تعالى مش ح تندمى
وحشتينى جدا

[أحلام123]

تسلموا علي الوصفات الجميلة بتاعتكم
انهاردة بأه انا عاملة صنية بطاطس وشوربة دا الطبق الاساسي بتاعنا وملوخية وفراخ

وطبعا طبق الارز بالشعرية

وسلام