بسم الله الرحمن الرحيم
إليكم أحبتي هذا الموضوع الخطير خطير مرررره >> بس مو معدي
... في البدايه أحب ابين لكم عن حاله من حالاتي الخاصه واللي طبعاً أغلب اللي يعرفوني يعرفون هالحاله فيني
لانهم تعودوا تقريباً عليها أنا من النوع اللي يسرح احياناً أكون في سالفه مع أحد ويجيبون لي حدث مهم
فأقعد اسرح بعييييييييد وافكر تفكير عميق لوحدي
يعني شيء يلفت إنتباهي اسرح
وإن مالفت إنتباهي ألتفت له غصب و أسرح فيه ههههههه
ويكون الصمت هو سيدي في مثل هالحالات
وعلى هالحاله حصلت لي مواقف كثيره منها مضحكه ومنها محرجه ..المهم موضوعي هو موقف من المواقف اللي صارت لي بسبة السرحاااان
على فكره الكلام اللي موجود من خيالي
أحم أحم
فيما أنا قاعده >> كنها مو راكبه
لما كنتُ مستقعده >>> إيه كذا أحسن
أمام التلفاز واتابع حلقه من حلقات المسلسل التاريخي الشهير (( الزير سالم )) .. وكان يومها الحلقه .. هي الحلقه اللي قتل فيها جسااساً كليب اخا الزير سالم >>> يلعن أبو الفصحى يا شيخه خخخخخ
لمن لم تشاهد الحلقه فهي رائعه بكل ما تحمله الكلمه .. فيها من التشويق والإثاره والحماس والقهر ما جعلني أغوص في بحر الخيال ^^
المووووهم ... اللحظه الحاسمه .... يوم وصل المشهد إن كليب قاعد يكتب وصيته على صخره بدمه وأنا متابعه بشغف ... _لاحظوا معي _ ... إلا ويرتفع صوت إلقاء الأبيات الشعريه لوصية كليب بإيقاع حماسي ,, جداً حماسي و مثييييير ... مما ... جعلني أتحمس وأشل المشعاب >>> بفزع خخ
وبما إني عارفه المسلسل وحافظته صم .. حتى إني أسبقهم بالكلمه قبل لا يقولونها خخخخخخخ
إندمجت لاشعورياً مع المشهد وقاعده أركز بكل ما أوتيت من قوه عشان الأبيات ,,, وبداخلي قاعده ألعن جساسوه قليل الحيا .,,, شيئاً فشيء إلى أن ذهبت وجلست بين نسوان القبيله بالتحديد بين يمامه والجليله .. قعدت أطالع يمين ويسار أبي أفهم وش السالفه ... مسكتني يمامه مع إيدي وقالت لي :: ويحك ألطمي خدك
طالعتها وأنا مشهره .. قلت .. ::: ويحك إنتي وش دخلني أنا .. أبوك اللي مات مو أبوي .. الطمي لحالك ...
عصبت علي وطلعت دخان من خشمها وقالت لي بصرخه ::: تفي عليك ( تفلتني ) .. كيف تجرؤين
ألطمي خدك وشقي ثوبك .. وإلا وريتك شغلك
أنا بصراحه خفت ... قلت :: خلاصون ( خلاصون = خلاص بس بالفصحى ) بلطم خدي ... بس ماني بشاقه ثوبي ... عيب ... قسمون لو فعلت لأن أخواني يجون و يلعنون جدفي وجدفك سوا ...
فلطمت خدي وأنا اتحسب على هالعله اللي جمبي .. لطمت وأنا أقول ::: عسى الله يآخذك يا جساسوه
فنطت بوجهي الجليله :: ويحك كيف تجرؤين
أنا وقتها عصبت بصراحه ::: قلت ::: سبعة شلوك إنتي وبنتك وش تبين خرعتيني .. لطم ولطمت سب وسبيت وش تبون بعد .. بقعاء تصوعك إنتي وهالضبعه ...
قالت ::: إن جساساً أخي لا اسمح لك بشتمه أمامي
قلت ::: مالت عليك إنتي وأخيك وأبنتك وكليبكم بعد أنا وش جابني عندكم يالجهله
يوم قلت جهله ... ما دريت إلا والحريم هبوا بوجهي .. شفت ست حريم يشابهون ريا وسكينه .. كلهم شمروا عن كمومهم ... قلت بس مالك إلا رجولك يا تويتي
وأنا اللي اطقها رجليه ... واناقز وابعد عنهم .. وبعدت بعيد وخرجت خارج نطاق التغطيه
استوقفتني خيمه كبيره .... دخلتها لقيت مابها إلا نسوه .. قلت بس مالي إلا البدو اندس عندهم ابدخل عليهم دخيله .. وعاد عندهم يموتون ولا يموت الدخيل .. فصخت شيلتي و رميتها بوجه وحده منهم
على بالي إنها شيختهم قلت لها: تكفين أنا داخله على الله ثم عليك خبيني عندك جماعة الزير بيذبحوني
مسكتني وحده مع كتفي وقالت لي ::: رويدك .. هدأي من روعك لا تقلقي إنك في الحفظ والصون ..
نامي الآن وبعدها أحكي لنا ماذا حصل معك .. أنا ماصدقت خبر طقيتها نومه >>> دخيله ماينخاف علي خخخخ
استيقظت بعد برهة من الزمن >>>>>> حلوه برهه مو ^_*
أكلت .. وأكتشفت أن اللي قاعده عندهم جواري لشيخ القبيله >>> شوفوا النحس خخخخ
المهم سألت عنهم وعن باديتهم .. وإيش عربهم ... طلعواعربانين ( يعني عاربه ) من مضارب قيس بن الملوح >>>> لاتسألوني وش جاب زمان الزير لقيس الملوح ... طلعت كذا معي ... عاد خيالي وأنا حره كيفي خخخخخخخ
طلعنا نتمشى أنا والجواري .. واتفرج على الرايح والجاي ... وشفت مجموعه يدورون وبينهم صنم يطوفون حوله .. انا عصبت وثار جنوني ... قلت :: ياللهول أستغفر الله ما هذا .. اتعبدون الأصنام ..
ردت عليا زمرده :: ارأيتي إنهم يعبدون غير الله
طالعتها قلت ::: وأنتي
قالت ::: حاشا لله لا أعبد سوى الله
قلت بسوي روحي قويه قدام الجواري وأنا يعنني معصبه صرخت وانا اقول :::اتركوني قسماً لأحطمنها على رؤوسهن ...
مسكنني الجواري ::: حذاري من ذلك .. والله إن فعلتي ذلك .. ليصنمونك بداله
أنا ارتعبت من كلمتها وتراجعت وأنا قاعده أعدل ثوبي وقلت ::: عشانك بس يا زمردة ما بكسرها ... وإلا ترا أنا ما يهمني >>> إيه باين
مشينا مشينا ومر علينا اشكال وأجناس .. وأنا اللي أشوف كشة واحد يخوف .. أنا شفته نقزت من الخرعه
سألت زمرده ::: إنتوا عندكم غوريلات ...
استغربت من سؤالي :: ماتقولين !!!
قلت وأنا اأشر على الرجال اللي شفته ماشي ودموعه على خده ... أنا بس شفت دموعه قلت ( الله يرحمك يا رجوله )
قلت :: من هذا يا زمرده !!!
قالت :: آه نعم إنه قيس بن الملوح ...
أنا من الصدمه فغرت ,, ثم قلت :: لا لا .. أحلفي .. وه ياقلبي اللوح ماغيره !!!
ما مداها تجاوب إلا وأنا مطيره سيقاني للريح .. أبي ألحق أتصور معه >> وينك ووين الكاميره
^^ قصدي ابي اسلم عليه ... وأنا اللي أهرول واركض وأطلق رجولي حتى إنه ركابي طلعت ..>>> عاد ركبنا علامة الجوده هههههههـ
الموووووهيم وصلت عند قيس ومسكت فرامل وفحطت عنده وغبرت الدنيا .. فتحت عيوني لقيت إنه صار حادث ولقيت كشت قيس بفمي ... أنا قرفت بصراحه رفسته برجلي .. وقعد مسكين يكحكح ويكحكح .. أنا بصراحه أستانست نياهاهاها قلت يـــالله عساه يموت إن شاء الله عشان يقولون مات وهو بين أحضان تويتي بدل ليلي .. ويسمونه مجنون تويتي >>> يعني ليلوه أحلى مني وإلا أحلى مني
يوم شفته يكح كشحت من الفرحه وقلت بخاطري ::: عسى الله يزيدك إن شاء الله
بعدها طالع فيني وهو يعاتبني :: ويحك ما فعلتي بي
قلت وأنا مازلت كااااشحة ::: لا لا الحمدلله جت سليمه ... كل واحد يصلح سيارته اووو قصدي كشته خخخخخ
عصب علي ::: من أنتي يا جاريه ... وماذا تريدين
قال لي جاريه فعبست في وجهه ::: انا جاريه ... ألا تفي عليك أيها الثور لا تقل جاريه
استغرب ثم قال ::: ألستي بعبده ؟؟؟
أنا طلع قرون وقتها وحمرت عيوني من الزعل ::: تفوُ عليك .. كيف تجرؤ على سبي وأنا ابنة الحسب والنسب ... صدق من لقبك بالمجنون
قال وهو يغمض عينيه حالماً ::: آآآه نعم أنا المجنون .. مجنون ليلى
اردفت قائلة ::: تصدق ماعندك ذوق
قال لي ::: ولما يا جاريه
صرخت بوجهه ::: لا تقول جاريه لا أفقع وجهك
قال وهو يبتسم لي إبتسامة قبيحه بس استانست عليها خخخخخ ::: رويدك رويدك ... ثم أستطرد قائلاً :: ماذا تريدنني بأن أناديك إذا ؟؟؟
قعدت أعصر مخي أبي أتذكر وش يقولون للآنسه عندهم مالقيت شيء فقلت ::: حسناً يمكنك يا هذا ( ابي أحتقره خخخخ ) بأن تزهم علي بــ تويتي
فابتسم لي إبتسامة عريضة جداً حتى إني لمحت ضرس العقل مسوس خخخخ >>> وعععع
ثم قال :::: ياااااه إسمك جميل جداً
من قالها رجعت لكشحتي ::: الله يسلمك ماعليك زود
قلت له ::: اتعلم يا أبن اللوح
قال لي مصححاً ::: عفواً أنا ابن الملوح
قلت ::: يا رجال كلها سوى .. المهم إنك المجنون >>> قاعده اعايره بس غبي عيا يفهم
قال ::: حسناً ماذا تريدين مني الآن .. فإنني مشغول بنظم قصيدة الآن
ابتسمت بخبث ::: قلت أيا الشيطان .. ولمن هذه القصيده يا ابن اللوح
قال لي :: إنها لليلى التي لا تعلم عن هوى داري >>> خطير هالقيس والله
قلت له وعيني محمره من القهر ::: اتركها بالله عليك ... اتركها الله لا يردها .. وأنظر إلي إنني أسواها وأسوى من جابها ... تكفى أقصد فيني واللي يرحم والديك
هز رأسه آسفاً ::: لا لا أستطيع يا أبنة العرب
نشبت في حنجرته ... هو يتكلم وأنا طالعه نازله مع الحنجره >>>> ابو الخيال يا شيخه خخخخ
قلت :: تكفى ترا تكفى تهز الرجال ... ومحاوله لإستفزازه ::: إنت مو رجال ؟؟؟
قال لي ::: ويحك رجلّ ونص
قلت :: طب ( بوص وبص بص خخخخ فاضيه ) أجل أقصد فيني .. واللي يرحم والديك اقصد فيني ... تكفى أنا نفسي أحد يشعر فيني .. أنا مره طلبت من عمي أن يشعر فيني .. فهجاني شر هجوه لا بارك الله في عدوينه
قال :::ومن يكون عمك ذا
قلت ::: إنه الشاعر إبن والده
قال وهو يمسك بدقنه :: آآآه نعم نعم عرفتوه .. أهو حقاً عمك
نظرت إليه بنصف عيني ثم قلت ::: يالك من كذوب يابن اللوح ... كيف تعرف عمي وهو قد ظهر في زماناً قد مت أنت فيه وشبعت موت بعد
قال وهو يلقط وجهه ::: أه ربما تشابه أسماء
قلت بسخريه وتشكيك :: تشابه أسماء !!! أقول أترك التشليخ عنك ...
ثم قلت له بهمس ::: قيس
قال ::: نعم
أنا ::: يا ابن اللوح
نظر لي بعصبيه :: ماذا تريدين ؟!
قلت :: يله أقصد وإلا ترا والله لا بالجزمه الحين
.. لما رأى إبن اللوح تهوري تنازل حضرة جنابه ووافق إنه يقصد فيني
نظر لعيني فنظرت لعينه .. انتظرته يشعر فيني ...فطالت النظره لعينيه
ابتسمت وأنا انتظره يشعر
فسمعت الصوت قائلاً لي ::
الحمدلله والشكر ..على ويش تضحكين يالدلخه ..
انا التفت له .. ومفهيه بوجهه .. نفضت راسي زي أفلام الكرتون وطارت العصافير اللي حول راسي
ابي افهم شالسالفه ... بعدها أيقنت اني كنت في عالم تاااااني ( عالم مضارب التاريخ ) وأنه جاتني الحاله خخخخخ
جلست ثواني ابي استوعب .. بعدها اعتدلت في جلستي ورجعت بعقلي لأرض الواقع
رجعت (( تويتي )) ...
تلفت حواليني لقيت أخوي قاعد يضحك على شكلي الغبي على قولته
التفتت للتلفزيون لقيته على القناه الرياضيه ... لقيتها حجه عشان اصرخ على أخوي
صرخت بوجهه :: يـــــــــــــــــــــــا حـــــــــــــــــــــــــــ!ـ أرجع على الزير سالم ابي أتابعه ...
وبعدها أنبطح كنباً (( مرادف أرضاً خخخ )) ضاحكاً على خشتي وكأنني أهديته طوووورفه
قلت له بثقل :: ويحك ما يضحكك الآن يا غلام ؟؟؟ >>> متأثره بقيس خخخ
رد علي ::: صباح الليل ... المسلسل منتهيون من ساعتون ... وإنتي لك ساعتون نايمتون بالعسلو >>> يطتنز حضرته طبعاً
>>>>> فما كان مني سوى أن القط وجهي ... واسير لداري .. وانبطح على فراشي ... وآخذ لي غطه
بعد هالسفره الطويييييييييييييله ههههههههههههههه
مـــــــــــــلاحظه :-
القصه خياليه مع لحسه واقعيه >>>>>> حلوه لحسه خخخخخخخ
معلومه :-
أثبت علمياً .. أن كثيروا التفكير والسرحان ... هم حادوا الذكاء ...
وإلا ماكان نيوتن مكتشف الجاذبيه ...
إنتبـــــــــــ
ــــــــــــاه !!!!
حقوق النشر محفوظه لــــتويتي
^^
أخــــــــــــــــــــــــــــــيراً
أنتظر آرائكم 
05-06-2008, 08:02 PM
أنا وأبن اللوح ..::..!!! )))>>>> قصتي الجديده لاتفوتكم ^^ 
النمط المتتابع
