رجع يسأل عن اخباري ..

[ام بنان]

رجع يسأل عن اخباري ..




رجع يسأل عن اخباري بعد غيبة سنه وشهرين
رجع شايل وجع صدره وقال ارجوك واسيني

رجع كنه يحسبني سعيد بدنيتي او زين
واهو مـا يدري الدمعه لو تراخت تسريني

دمع.. هالوجع... كنه جمع في غيبته جرحين
وانا عيني.. بدت تدمع على حزنه وتبكيني

يقول الدنيا خانتني وبعدك يالغــلا سكين
ولا احدن يالغــلا غيرك يقدرني ويراعيني

صديقي ضقت بغيابك صديقي حيل انا مسكين
وانا جيتك بـ هالليله وتكفــــى لاتخليني

وانا..؟ لامن نطق تكفى عطيته لوطلب هلعين
واجود بكل ما يملك خفوقي وتملك إ يديني

وقلت: ابشر ولايهمك تدلل وش تبي يا زين
تراني فدوة عيونك لوإنك جيت تشقيني

صديقي لو تبي القمره عطيتك فوقها ثنتين
بعد لو تطلب النجمه ابنطق جيتك اضويني

بعد هذا ضحك و..بعثرت همومه سلهم الرمشين
وقـــــال الله يا طيبـــك وانا ظنيت ناسيني

صراحة؟ حيل تحرجني يا طيب يا اطيب الغاليين
ولا ادري كيف بوفيلك صديقي وانت تعطيني

بعد هذا تسامرنا وتواعدنا بعد يومين
ووصيته على قلبي وهو مثلي يوصيني

تواعدنا على الجمعه ولا جاني الى الاثنين
ومر اسبوع والثاني وحيرتي تشتعل فيني

تصدق عاد يا السامع؟ ما جاني الين اللحين
وقبل تسأل عن اسبابه بجاوب وانت واسيني


لأنه مـــــــــات في حادث وانا مت بغيابه لين
عرفت اني كذا ببــقـى ولا احــد يقـوى يحييـني

[# تاليـا #]

تواعدنا على الجمعه ولا جاني الى الاثنين
ومر اسبوع والثاني وحيرتي تشتعل فيني

تصدق عاد يا السامع؟ ما جاني الين اللحين
وقبل تسأل عن اسبابه بجاوب وانت واسيني


لأنه مـــــــــات في حادث وانا مت بغيابه لين
عرفت اني كذا ببــقـى ولا احــد يقـوى يحييـني


كلمااات أكثـــر من رائعة

امتعتني

وأحزنتني

وأبهرتني


غاليتي أم بناات
شاكره لك على هذا الطرح الجميل

غفر الله لموتنا وموتا المسلمين أجمعين يارب العالمين


اللهم امين
\

\

\

خــالــص مــودتــي مــن قــلبــي الــنــابـــض

[ام بنان]

مشرفتنا الغالية / تاليا

فعلا قصيدة جدااا حزينة ومؤثرة ...

يعطيك العافية على المرور

العطر