بنت ,سيدة ,أم عراقية في كل المحافظات إهداء

[وردة عربية]

بنت البصرة بنت بغداد بنت النجف بنت الموصل بنت السماوة بنت الشمال لكل عراقية

عراقية والنعم منهه وسمـــــــــــــــــهه

شالت هم الـــــــــــــــوطن فوگ همهه


بنات البلد لؤلؤ وعقد مرجــــــــــــــان

احتار القلم شيكتــــــــــــــــــــبلي عنهه



بنت البصرة

بنت البــــــــــــــــــصرة حرة والف حرة
اصالتهه من النــــــــخل كحيلة السمرة
ما تعرف زعل والـــــــــــروح خـــضرة
الچ مني السلام وارقى التحية




بنت بغداد

بنت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية



بنت النجف

بنت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية



بنت العمارة

شسولفلك علــــــــــــــــى بت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بنت كربلا

بت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه




بنت ذي قار

بت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعة بيهه
تلميذة مضايف والكرم بيهه




بنت الحلة

بت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري **ـــــــــايد
خد مربى وخد گيمر السدة




بنت الموصل

بنت الموصــــــــــــــل مزيونة وشگرة
بشوفتهه من كل مرض تـــــــــــــــبرة
قطعة من الفرح ضــــحكة ومـــــسرة
اربعتهن ربيع فصولهه هي




بنت السماوة

هايم انه ابت السمــــــــــــــــــــــــــاوة
هي الغلا وهي الغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي





بنت تكريت

اسألت گالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة هية




بنت الشمال

بنت الشمال مــــــــــــــــــــجرش جسمهه
مثل الجـــــــــــــــــــــــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بنت ديالى

بنت ديالى الاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية




بنت الانبار

بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه

منقول

أهداء

لحبيتي مل بنت أو سيدة و أم العراقية احبك موت

[زينة العراق]

والله اني عاجزة ياوردة الورود عن كتابة اي كلمة كل الكلمات

قليلة بحقك والله فرحت كثيرا عندما قراتها وانا بنت واسط او الكوت

اذا سامعة بها عاشت ايدك القصائد روعة حبيبتي

[مس نورة]

عاشت ايك على القصيدة الرووووووووووووووعة واني
بنت بغداد

بنت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية

[همسة حائرة]

الله الله الله

بنات بلدي العراق كلهم مجمعين في أحلى منتدى الله لايحرمني منكم

وردتي أنا من بغداد وأشكرك على هذه الكلام الروعة ياغاليه

تسلمين أنشاء الله يرجع بلدنا أمين

همسة حائرة