--------------------------------------------------------------------------------
بسم الله الرحمن الرحيم
حبيت ابدأ معكم بقسم الشعر
بأغلى القصائد على قلبي واقربها
اتركم مع القصيده وهي بتشرح لكم
واتمنى ان تنال ع اعجابكم
..............................................
يمه علام الموت ياخذ وينحاش
خلى الردي واخذ هل الطيب مني
يمه لو ان الموت يرضا بالاهواش
والله لجيه بكل قوه متعني
ياموت وشبك ليه ياموت بطاش
تاخذ ابوي اللي بحنانه حضني
اخذت من هو بشوفته يبرد الجاش
الوالد اللي يطرد الهم عني
الوالد اللي قلبه ابيض من الشاش
من بيض قلبه افتخر به واغني
من بعدهم ياموت والعقل منداش
مخفي دموعي ومظهرآ ضحك سني
معذور يمه لو عن الدار ابنحاش
معذور يمه بكل ركنن اوني
اسمع زوايا البيت له تجهش اجهاش
تبكي على فرقاه مثلي وتوني
ليه القدر ياخذ حبيبي وينحاش
ناديت له ارجع ولاسمع مني
خاب الرجاء في رجعته وجيت منداش
ياقسوة الايام من خاب ضني
جاه القدر يمه كما لمحة فلاش
واخذ معه كل المنى والتمني
يمه واشوف الناس من بعدهم ماش
مايرحمون اللي بزمانه متعني
.............
وسلامتكم
تحياتي لكم ..