شاعر سعودي يريد الزواج من فتاة اسرائيلية مونوهاً ذالك بقصيدة
الجدير بالذكر ان هذا الشاعر يبدو متمكنن في الشعر ويبدوا انه
من المشاهير في الشعر النبطي .. ولكن الخوف من الأنتقاد جعله
يتنكر تحت اسم مستعار
وهذه قصيدته
غصن زيتون في يدها حمام ابيض يطير اسراب
عـنـود اش ذنبـهـا غـيـر انـهـا ولــدت يهـوديـة
رميـت شماغـي الاحمـر عليهـا وارتدتـه حـجـاب
بـدت ترضـي مشـاعـر مــن عشقـهـا فالعبـوديـة
انوثتهـا صخـب اخـر جسدهـا الصـارخ الـجـذاب
تضاريـس الغـت التـاريـخ والرسـمـة الحـدوديـة
علـى حـد النقـا جينـا حبايـب وافترقـنـا اغــراب
وكـان اكبـر ذنـوب اتوسـدت فـي عشـق زنـديـه
يجوز من الكتاب اكتـب علـى اهـل الكتـاب كتـاب
اذا هـو يجـوز فالمـوضـوع بــه روحــة ورديــة
مع التطبيع بـس بشـرط يكـون فصالـح الاحبـاب
يهيـه امـزح معاكـم وش ورى النـظـرات جـديـة
بعيـد عـن السياسـة ولا انتميـت فيـوم للاحـزاب
مغـيـر ان قلـتـهـا قـــد قلـتـهـا احـــلام ورديـــة
واذا هي السالفة الاقصـى فانـا اولكـم بالمشعـاب
بـشـرط نقـفـل الجـلـسـة بـــدون حـلــول وديـــة
واذا هـي السالفـة شاعـر بمحسوبـيـة الاعــراب
ابكـتـب حــر واتخـلـص مــن قـيــود العـمـوديـة
ابقـفـل بــاب لاتـفـتـح عـلـيـه هالقـصـيـدة بـــاب
وابفـتـح بــاب لا تقـفـل عـلــى لـسـانـي ويـديــه
وابدعو الرب مابدعو سوى دعوة ضعيف اسباب
اذا مـــا اسـلـمـت يـــارب ان تـصـبـح سـعـوديـة
وقد قام الأستاذ الشاعر عبد الخالق الغميشي بالرد عليه بقصيدة رائعة
توازي هذا المتمكن :
تمهّـل يامبـارك وانتبـه ياكـلـك راس الــداب
ترى لسان الرجل يرميه وسـط بحـور لجيّـة
تجرد من ثياب الشعر ..فصل لك جديد ثيـاب
وماظـن الشمـاغ اللـي رميـت شمـاغ أصليّـة
وحنا واليهود اليوم مثـل النـاب يطحـن نـاب
نسيـت ان المـذابـح كلـهـا بيـديـن سامـيّـة ؟
تبـي تطبيـع ؟ لا والله وقدامـه تـروح رقـاب
ترى بعض المزوح جروح واخر طبها الكيّة
غريبة كيف تعشقها وقلبـك فـي هواهـا ذاب
مفاتنـهـا لـكـل الـنـاس والاجـنــاس مـبـديّـة
بنية في جسدها ريحـة الخنزيـر والارهـاب؟
تناصبنـا العـدا فـي شرعهـا ســر وعلانـيّـة
دماء اطفالنا فالقدس شاهد في يديها خضـاب
الا يامـذبـحـة قــانــا وثــــارات الحسـيـنـيّـة
لها عشرين معشـوقٍ وقبلـك ناهشتهـا ذيـاب
لكـن استغـر الله مـن هواهـا واحسـن النـيّـة
سلام الله على بنت الاصل والفصل والانساب
ســلام الله عـلـى بـنـت النـقـا مـنـي بـرديّــه
عفيفة لاوطت رمل الصحاري تنبت الاعشاب
ولامــرت بـحـر تـفـزع لـهـا الـدانـة بحنـيّـة
تربت في بيوت الدين واهل العز والاحسـاب
سترها الله بستره عن عيون النـاس محميّـة
أبوهـا راعـي الـطـالات دايــم للنـقـا كـسّـاب
عزومـه فالمواقـف لاطــرا الميـقـاف مثنـيّـة
كرمتي يالسعودية عليـك مـن الستـر جلبـاب
وانا شاعـر ودونـك نـار فكـري فاللقـا حيّـة
الا يـاراكـعـة يـاسـاجـدة يامـنـيـة الـخـطــاب
مـن اثـار السجـود ابـجبهتـك يابنـت مـاريّـة
ياليتـك بـس لـو اتــوب والله يقـبـل الـتـواب
واقول ان القصيدة جات فـي لحظـات عفويّـة
مادام انك تقول امـزوح لاتامـن لسـان الـداب
سياسة خالف وتعـرف تراهـا اليـوم منسيّـة
للامانه منقول:) 
07-10-2007, 03:27 AM
شاعر سعودي يطلب الزواج من يهوديه 
