سلام يابنات
الغريبه في موقف دايم أتذكره واضحك
عليه لأنه آثار الموقف مازالت موجوده إلى هذا اليوم
وهو :::: (( إنه أنا وأعوذ بالله من كلمة أنا كنت
طفله داهيه زي مايقولون ,, بمعنى إني كنت أتاثر بأي
شيء أشوفه بالتلفزيون ,, ففي ذيك الأيام كانت المسلسلات
البدويه موجوده بكثره , فكان مشهور بالمسلسلات البدويه
الكي بالنار , شفت هالشيء بالمسلسل واستغرب كيف يكوون ولايموتون , فكنت حابه أجرب هالشيء ( بس أكيد مو على نفسي ) ففي يوم من الأيام خالتي وبناتها
كانوا عندنا وبنت خالتي طاحت ذاك اليوم عندنا بالبيت
وكانت طيحه بسيطه حتى إنها مابكت ولا شيء بس قالت لي
يا ( ---- ) أنا رجلي تعورني ,, فقمت أنا وقلت لازم أكويك
لانه لما أكويك ماعاد بتحسين بأي ألم على طول ,, وبنت
خالتي كانت على نياتها وافقت طبعاً ,, فقمت أنا اخذت ملعقه وحميتها عالنار ألين حسيتها سخنت , وبعدين كويتها طبعاً هي بكت ونوحت وجمعت العايله الكريمه
كلها ,,,,, وطبعاً إمي هاوشتني وخالتي هاوشت بنتها وتقول لها يالخبله كيف تخلينها تحرقك
المهم أنا كبرت ونسيت بس بنت خالتي مانست لانه
أثر الحرق مازال برجلها ,, ودايم لما نتلاقى هي تقعد
تذكر السالفه وأنا ماتلاقوني إلاااااااااااا
أضحك ,,,,,,,
>>> هذا الموقف لما كنا ندرس ثاني إبتدائي
05-29-2007, 08:02 PM
