يابوي ليه تبكي كل ماشفتـك وعينـك لـي
تخاف أموت ياأبويه وقبل المـوت تبكينـي
كفى ياأبوي لا تبكي وأنا موجود معك وحي
أجل بعد الرحيل وشلون في قبري توطينـي
ياأبويه لو تموت الناس ماتسوى دموعك ذي
وأناياأبوي ميت قبل أموت وإنـت محيينـي
قسم باالله ياأبويه لأجل عينك شربت الغـي
جرعت الهم والحرمان وبحر الويل يسقيني
تحملت السنين إللي طوتني في عذابي طـي
وصار الجمر بكفوفي وتحت أقدام رجلينـي
ياأبويه ماعلى عمري حسافه ولابقابي شـي
ولكن بطلبـك ياأبـوي تكفـى لا تخلينـي
ياأبويه ماأبي غيرك يغسـل جثتـي بالمـي
وتكفى قبل لا تكفن يابويه فك لـي عينـي
بأمر الله يمكن ألمحك وأرحل بعينـي ضـي
وودع وجهك الطاهر مع دنيـاى وسنينـي
وخل الناس تحملني وترفع راسي ورجلـي
وتأخذني على قبري وتكسب أجرهـا فينـي
وإذا جيت القبريابوي نزلني شـوي شـوي
ووجهنـي للبيـت الله وقبلـت المصلينـي
وإذا تقدر أبي صورتك أمانه حطهـا بيـدي
لعل الله يشفع لـي إذا صورتـك بإيدينـي
وحط الطين وإدفنـي وعـز إللـي يعـزي
في ثلاث أيام ياأبويـه يجونـك المعزينـي
ورابع يوم ياأبويه تذكـر ضحكتـي وعنـي
تذكر ويش كنت أقول يـوم إنـك تنادينـي
تذكر يوم كنت أنام في ظل النخـل والفـي
تجي يمي تصب الماء على وجهي تصحيني
تذكر جرت الموال وصوت في حبالـه كـي
تذكر يوم أغنيلك قصيدي وإنـت توحينـي
تذكر ضحكتك لا قلتلك ياأبوي عشقـي لـي
تذكر كم قصيـده خافيـه مابينـك وبينـي
تذكر كل شئ كان وأذكـر يـوم جابرحـي
ولكـن أسألـك بـاالله ياأبويـه لا تبكينـي
05-10-2007, 02:26 AM
يابوي-جابر هياف-قصيده مبكيه 
